انا دمعى عمره لن سال

انا دمعى عمره لن سال

غير علي اللي حارب فداءنا

نبى زين وكريَم لنسال

صلوات بتشفى فى داءنا

***

انا دمعي عمره لن سال

غير من علل الغرايب

ياريتها اختلفت ل نسال

ولا شوفنا كلاب الخرايب

***

انا قلبي لا جاب رساب

ولا جاب زول بالغش فداءه

نبى زين لجبره ساب

صلواته تصلح فى داءه

***

مصر بين تايهين ضايعين

اياكي تبكى ولا تتنحوطي

قلب النهار له ضى عين

مهما قال المتنح وطي

***

انا قلبي لقبره ساب

صلوات نبينا إضاءه

تجلي القلب م الرساب

تشفى لو كان إيه داءه

***

عشان تشوف العجب

ومن جرب الألم قبلك

حتي لو انت السبب

تلاقيه حنين قابلك

***

بالسبحه والوش بشوش

عايم والعوم رساب

حراميه موش بالوشوش

ولا حج ولا عمره ساب

***

المال ده جه مال عون

 للغلابه كتار مترشقه

ليه راح لكل ملعون

سرق منه متر الشقى

***

انا كداب وانت كداب

واللي القمر له إنشق

واللى قلبى ف سلكه داب

لغيره ما ينفع نعشق

***

هو اصلا ايه صنفك

اسعى عليك ولا يوم تسعى

الاصلى رغما عن أنفك

ما هو كلنا اولاد تسعه

***

مات الكلام

كل ما نفتحه يفتح عنيه وتانى ينام

مات الكلام من اوله عاش ظلام

حتي المشاعر في القلوب متأوهه

حتي الصداقه ما بين الناس متشوهه

مات الكلام وموش باقي غير السلام

***

شايف اني مطارد

من اقرب ناس لي

وكما اني عليهم بتمارد

وليه اكون طيب مع نسلي

***