لما تكون بين اهلك وناسك
والدهاء ع الخبس زايد
لا عارف ايدك من راسك
وبتدور على حد محايد
لما اخوك لما ابن عمك
لقمة عيش عليك يتزايد
ياكل لحمك يشرب دمك
بالسفاهه عليك يتسايد
لما تلاقى إيدين بتشوح
جايه على وشك ويمك
مستنيك تبكى ولا تنوح
عين تضحك والتانة تدمك
يحتاجك تلاقيه بيتطوح
يعمل نفسه ابوك يامك
حتى إن حضنك ولا باسك
تسمع كلام ف القفى زمك
يرجع تانى يبوس مداسك
عارف طيبة قلبك وشامك
لجل ماينخر تحت ساسك
والتانى يضرب ف مشمك
والتالت تلاقيه جاى داسك
والرابع جاب سم وسمك
والخامس قدر احساسك
قام سارقك ومزود همك
لما تكون بين اهلك وناسك
والدهاء ع الخبس زايد
ولا مستوعب دول ناسك
ولا اخوك من بن عمك
عيشتهم كتمة انفاسك
عمالها ف وشى تشوح
موش بيدى لما جيت الدنيا
ولا ببدى عنها انا مروح
وانت يا فحار حضر فاسك
لما يكون الله رابد
هات من فوقى تراب زوح
الدهاء ع الخبس زايد
والله وبالله انا مروح
...
2
-2
