مسدسات الارابيسك
اقول له ايه ولا.. اعيد له
باطل و ناصر قوله
ولا حتي سلام ولا. عيد.. له
بالزيف ناس رقوله
لو ناس زينه ولا عدله
ما كانوا بالزيف حقوله
...
قولنا صاحبنا وده معانا
وقولنا حزامنا لسه واقي
جه الآخر نزل دمعانا
وصفاها هبه للسواقي
...
نهدي ف المشيه خطوانا
نقول آهو عيش وملح
ولجل ما يوصل معانا
ياجي يجلح قدامنا جلح
تقول له ايه؟ ولا تعيد له
ويرمي الشوك ليه يمي
ويرجع يلاقيه قاعد له
ف نفس طريقه مرمي
هو كده الصوف
لما يكرموه يعت
وتعمل ف الندل معروف
لا يطلع راجل ولا بت
نعمل ايه ف الملهوف
ومن عايز يسبق زمنه
من لحم اكتافنا معلوف
ويغلي علينا تمنه
واللي يعيش ياما يشوف
واللي يمشي يشوف اكتر
واللي يصنع معروف
الواطي عليه بيتبتر
هو كده الندل
غير المعروف ما عقه
عمره ما يعرف العدل
اللي غير في حقه
وفيه كمان الغلطان
ويرجع يقول مسامحك
مسامح مين يا شيطان
انا ولا شايفك ولا لامحك
2
-2
