ناس عايشه الوهم

ف زمن غير الزمن

حرامي وندل وشهم

وصادق غير مؤتمن

ع الندل والله ما الليم

ولا ليا عنده عتاب

ده اللي ما يسواش مليم

ولا نخطي له عتاب

وف كل الاحوال يجور

يا طابت يا اتنين عور

الا قليل الاصل يغور

قول يا حبيبي ان انا عاصي

للحب واوامره الظالمه

اعتب وقول نفس احساسي

وما ف القلوب الله عالمه

 يا ظلومه ما بعد ظلومه

جرح في باقي ما فاضلي

لو كنت ف قلبي عز الومه

يا اللي انت ماشي ف ضلي

غدر وحرمان وندم ووصال

وجوابات علي كام مرسال

لحد ما دمعي ودمعك سال

ده احنا قصه عميقه كبيره

ينضرب بيها كام مثال

السبع يخلف سبع

والخيل يخلف خيل

غلب عليك الطبع

لما ديل وخلف ديل

واللي جذوره عفيه

ما يهمه طبال ف صاله

مهما يحاول هفيه

متباع وطالب فصاله

واللي واصلة جدوره

مهما تحاوطه الحريم

والكريم ان جه دوره

عمراه ما يكون لئيم

ابعد م اللي يوشك

وانظر قدام لهدفك

وابعد يا ندل وشك

والا سهمي حدفك

وانت دايما ف سيرتي

وصلاني كل حكاويك

ربنا هيفك عسيرتي

وبالنار وجمر حكويك

مرة تلاقيه حربايه

ومره تلاقيه قمفز

ان جالك قليل الربايه

قوله اتفضل قوم فذ

اللي عيشه وملحه سونه

واللي عيشه وملحه يارا

وكفايه تخريب يا سونه

ده ما كله مال حياره

صلي علي اللي عان دينه

نبي زين ف القلوب عندينا

نصره علي كفره معاندينه

 العطل صبح ع اللي عاش

للدنيا وعمره ما عان دينه

موال خماسي

واللي خير ربنا عنهم ما اتحجب

ورونا ف خستهم دهشه وعجب

ولا فرقوا ما بين نوفمبر ورجب

 وساعة ما قليل الاصل أرغمهم

غصبن عنهم قالوا زين وعجب

موال خماسي

برود ف بعض الناس ما جف

ولما دخل الصيف زاد ما خف

زادت فيك الكهربا نورت النجف

وولعت لهم يا حر صوابعك شمع

ومازال البرود فيهم لما قلبك إترجف