موال خماسي احمر
لا قرصة عقرب تقتل ولا حي
كما قاتل الروح والجسد حي
وما يعلمها غير رب منتقم حي
قاتل الروح ابخس بكتير واندل
سلب روحَك وساب جسمك حي
***
قاتل الروح يرسم جمال الوش
ويخاف يعادي الخلق في الوش
ودايما في الخفا افعال بتوش
وان قرصته حتي ولو ناموسه
يخشي ويخاف ما يقولها هش
---------------------------
مربعات الواو
بدايتنا ختامنا بيه.
يا بخت من له نبي
ويكون محمد نبيه
عتق م الكافر ظبي
رمشك ولا سكين
في قلبي مغزوزه
علي باب القلب ساكين
ودي جات لي موزوزه
يا اللي انتي راسمه لي
جرح مالوش طب
ده حتي كل راس مالي
اني اعشق واحب
مصر يا ام النهر
ف الصفا جاري
يا ندي وبل الزهر
وصاحيه فجاري
قول علي ايه ناوي
وانت يا قلب بالتحديد
خايف م المنجه السيناوي
تقطفها واتروح ف حديد
لا صديق ولا اخ لاقي
لا تمر جيبى ولا ودي
لا قلة ادبي ولا اخلاقي
ولا كرهانيتي ولا ودي
وعلي حظي ياخي اندب
ليه كل ما اتعب وأسعي
ولا حتى يوم جيت اكدب
الكدب طلعت واسعه
مصر يا ام الفنون
خايل عليك الحجل
داخل متاحف الكون
كام الف دبة رجل
من حول بيت ربي
حوم يا حمام يا زاجل
وان قالوا المره بتربي
مين قال هتربي راجل
التين يا محلا قطيفه
فوق الشجر كروانه
ناعم ماتقول قطيفه
الطايب قبل اوانه
وانا بزرع واجني تين
لمحت سمكه ف سناره
عليها ياخي وجنتين
ماتقولش منجه سنارة
وانا بزرع واجني تين
فات يمي غذال امور
والخدود موش وجنتين
دي خدودها منجه تيمور
احنا اللي صيغنا الكلام
وجيناته رفناها رفيه
وجنه وغمازه كا اللام
ماتقول راسمينها حرفيه
الوتاده يا ابن الناس
غير ف ارض صلبه ما تدوقش
وابعد عن عدبم لحساس
وع الخسيس ما تدوقش
يا ماشي ف خط سيري
وكل جنيه ياجي القفه
ليه هو ياك مافيش غيري
الواقع من قعر القفه
اللي ف راسها ف راسها
وبتبحث ع الجراح
ركتبت م الصبح فرسها
بتدور ع اللي راح.
عمري ف حياتي ماقطف.
ورد ليا ما يخصش
حتي ولو صاحبه مقطف.
الاصيل ما يخسش
لو الجميل صانوه
ما كان عليهم جه مايل
سيف ضدهم سنوه
ورجعوا طالبين جمايل
طول ما صومنا وصلينا
وعلي لقمة عيشنا بنعافر
حتي لو الجوع وصل لينا
ما يخاف الموت إلا الكافر
...
اه يا فخ واتنصب
يا مقنف بلحك ما صاص
كي احنا اصحاب القصب
ترموا علينا المصاص
...
ع البخيل
عامل كريم ونضيف
ووشه وش مناضر
ليه قابلني وانا ضيف
عمل نفسه ما ناضر
...
ع الحر
ده سيف الحر ما تلمش
دايما ف الحق حاند
وغير نفسك ما تلمش
ان كنت يوم تعاند
...
اختبار الدنيا قاسي
والغلب نشف ريقي
دايما ياجي مقاسي
وعامل كابتن فريقي
قليل الاصل لن طاع
لا ابوه ولا حد هامه
ويعمل حساب لنطاع
وبطنه هي كل همه
...
خليك يا حجر مرصوص
نهابوك ثقافات وحضاره
وناهبونا والله اللصوص
ونعمل ايه بالحجاره
...
ان دلدل رقبته وفكر
اعرف للراجل مدام
هيشاور ويرجع يتنكر
وعمره كلامه ما دام
...
يا بني ياللي بتبني الحيط
عصفور الغيط حولك غني
ابقي اوزن بناك بالخيط
عشان البيت يطلع جنه
...
كبيرك تاني ما تلوعاش
اديك بتتمني قديمه
كبيرك إن مات لو عاش
قول نعمه الله يديمه
...
ده اللي ياما وصيته
وعبيت له الخير عبي
ماتقولش كتب وصيته
جاب نمله تقرص ف عبي
...
الحر ف الضيق راطنه
واياك لاصيل تعادي
وابعد من صاحب بطنه
يسوق بيها عليك اعادي
...
بشر وتحت الحيط لابدين
وتعبا يا بويا عواصف
لا اعترفوا بسلف ولا بدين
ولا حد فيهم جه ناصف
...
موش كل الناس كا الناس
ومنهم بالباطل باعتينه
وفيهم خولي كناس
لكين عمره ما باع تينه
...
هي ميزه واكبر ميزه
استاذتى ف التربيه
و ف هواى تلميذه
وعزفت عا الوتر بيا
...
لما راموني ف غرز
قال هات سيفك تعا بارز
رب القلوب بيفرز فرز
قال من غارز ومين بارز
***
عدوك ولا هيحن
وان اهداك جواده
السن ضاحك للسن
شايل جواه سواده
....
شايف ف الارض قاعده
شايف ف السما طيران
والدنيا قايمه وقاعده
مزنوقه ف كذا دوران
...
لما ملك الموت لما جه لموتى
ما اتأخر ولا دقيقه
وانا قلبى حجر جلموتى
مايخافشى اى حقيقه
...
مهما كان انا أمرى كان
في بلدي يا بويا ما أباتشي
لو خوفت يوم أمريكان
ولا نووى ولا اباتشى
***
ناس نارها نار الصمت
إياك علي نفسك تروح
وان تقعد الزم الصمت
حتي تقوم تروح
...
انتي ملاك من السما
للقلب بلسم ونسمه
جات الروح منسمه
تنسي من شافها اسمه
...
ايديها ياخي كا الشمع
تنور ضلمه ف عتمتها
وبسمتها تمسح الدمع
تنسي الدنيا وكتمتها
2
-2
