ياللي الوطن النفيس ينفعك ما يضر

خليك عليها حريص ما تقبل الا الحر

مصر النهضه والتأسيس شعب وجيش ماس على در 

السداسي المصري الاعرج

مات ع الكرسي ماسك القلم

وهو بيكتب لرب العرش والقلم

شكوى على اللي قدم خير واتظلم

والشكوى لغيرو مذله ما يعلمهاش

اللي اخد ف نفسه قلم حقوق ما يردهاش

ولا حتى يحسها الا لما ياخد نفس قلم

عشان اللي انظلم

مات ع الكرسي ماسك قلم

وهو بيكتب لرب العرش والقلَم

شكواه لما قدم خير اتظلم

موال سباعي اخضر مرصع

وسط البلد يا نسيم يهب يهب ويسرح

تيجي الفكره يا عم نسيم وحدها تطرح

من أهل كايروا وارواحهم سمحه وبتفرح

والقلوب َكهرمان واسعه كا قصورك يا طيبه

بهجه فكاههوالالفه ف قلوبنا قريبه

والنيل ليل يدور زي السواقي وناحيرها وغروبها غريبه

والشمس تفتح عنيها وناس راجعه البيت وناس بتسرح

موال خماسي اعرج

النيل جاي سواح على حكاوي الليل بيلعب ويرتع

والانوار على خده سبحه ف مسجد نفيسه بتركع

وسماها بالتوب لزرق فاتح ونجومها بتلالا وتلمع

ولا طاوله عيش على كتافها ف شوارع سابقه الريح

ويا خواطر العالم وف عز الحكي عين تدمع

***

موال سداسي مصري أخضر... 

    1.طير يا طير جوه الهوا طير طير

    2.وإصبح وسبح خالقك بالقناطير 

    3.م النوا فالقك حسن النوايا سير

    4.طير يا طير ف حب خالقك وإصبح تسبح

    5.محلا صوتك ف الهوا صابح تصبح

    6.ومحلا الفتاوى اللي اتربح٦ من أمر خطير

    8.الموال السباعي

كل واحد يعيش ف حاله وف سره

انكش ما ف بطن اخوك وانت وذره

يا عزيزي كلنا لصوص وكل واحد ومره

بس لص عن لص يفرق ويا شمس حدي

وارجع بزمن يوم ما سرقت سيجاره من جدي

جدي قال اه يا لص مستك وعمل ندوا من ندي

وانت عليك تقولي مسكتك يا لص لجل ضميري ما يهدي سري

موال سبعاوي أحمر

    1.لو لينا ف الحرام يا بن الناس ولو تكه

    2.لكان عطلنا الطريق وكل ما فيه علينا إتكا

    3.بالاعيبه ولا كان مشينا لا شبر ولا تكه

    4.لكن حمولنا زادت علينا بالندامه حمول

    5.ومهما مشينا حمولنا كهاتف المحمول

    6.ده انا قلبي ف الصفا والسماح مول

    7.كام ميه موال ف القوال ولا اشتكي

    9.اسنان ضروس أنياب تعرف تعض

    10.وفيها تروس مناشير دايما تقض

    11.وشويه سوس بتطير شكل يخض

    12.دي فران تمزق الشبك وكمان بتعض

    13.وابعد عن الفاسد ما لك فيه الجالس

    14.وإياك عينك يوم ما تغفل ولا توالس

    15.عرب البلاد مابقوش عرب خالص

    16.وانت يا ابن الناس خلص دورك وفض

 موال تمناوي احمر

لسانات كرابيج وضربها طوب ما لاقيه فيك وش

يااللي انت بتداري ف وشك هو انت ياك لك وش

فيك من يغشك شهوه كرشك ولا شهوه قرش

جالك وافترسك على سهوه لجل ما اعرف انك غش

ولا انت لك ذرار ولا ايه بس ساعه مايدوسوا تدوس

 هو بس وما صدق شم ريحه الفلوس

فين مدفونه ده دور الكلبه اللى تعرف تقولك ع اللمان حوس

حتى لو الديب عاوي يعوي على كلبه عوت وبرضه وقعت ف منحوس حاسب لقرش

لسانات كرابيج وضربها طوب ما لاقيه فيك وش

***

تصدق قد ايه احنا صنف البشر نقيص

ربنا خالقه ماهوش للبيع ولا بترخيص

نخلقه غالى ما هو باع نفسه بترخيص

***

آه بالحق

دول كلمتين بالحق موش كلمه ولا سلمة

ياللى مالكش الحق قلبك لا بد من حلمة

ماهو زمن ابو كلمتين ماخلا للأحرار كلمه

قليل الاصل اللى بخير ياما علمنى يدوم علمه

ثقافات كتير والدهاء فيها يبرز مدى انحطاط البيئه

ده كل شئ خلق فى الدنيا دى بقدرة ومشيئه

مهما يدفعك ضريبة الخبس لابد ماتظهر الناس البريئه 

ده كل طفل ياناس له محبه ودلع ولا تهشيكه

 موال خماسي اعرج... اللون احمر

النصيب زي المزاد ياما عليك هايرسي

لا انت هاتقدر تنسي ولا انتي هاتنسي

واالي اذي البشر وسار جواهم بيعصي

ويعد كل ما مروا بيها بسفاهه الله حي

اياك تسال الايام تقولها ليه عليا بتقسي

 موال سداسي

السنين تطوف واتعدي ياما واتمر

غير الهموم وراها ما في يوم تجر

ايقنها زين اذ كنت فعلا مليح وحر

اياك في يوم تظلم ولا تعرف روح ما ظالمه

فبهم من بتوجع من غير ما يقدم لله مظالمه

اكيد هاتلف والله بس عالمه ينزح عليك المر

: قالب... موال سباعي مرصع .احمر 

ذنبك ملازمك مهما تطوح ينادمك

وتفرح تنوح ما تعرف تعالج ندمك

ما بين ما تروح ها يفضل ملازمك

لحد ما تندفن في اي بقعه ف ارض

برضه هاتخرج بيه لحد يوم العرض

سنين طوال ما هي الشقاوه فرض

لحد ماتنكر وجودك وتتمني عدمك