لا ترغم حد ولا تخيره..

مربعات 

لا ترغم حد ولا تخيره..

ده الواحد فينا لو مين ناجاه.. 

وكل ما اتمناه وحيره..         

وإن علي طبق الدهب جاه.. 

هايرجع بنفسه يغيره..         

وان كان له سلطان ولا جاه.. 

من أصله نفيس يعيره..         

من اصله رخيص ولا تسترجاه.. 

حسب التيار ما يسيره..          

لا فيه نصره ولا حتي نجاه..

.

يفيد بإيه الندم ؟

والعقل كان.. مندار

عالم بحاله اتصدم

لما اخبروه.. مين دار

غلبان وبعد العدم

لا عرف زريبه .. من دار

صاحب القصور والخدم

زود له في المقدار

وانداس يا عين بالقدم

وقالوا آهو اقدار

في العاصمه تحت اتردم

وما لوش تاريخ اصدار

ويفيد بإيه الندم

والمخ كان مندار

.

الايام دي

حاول خد لك ساتر

الله يبرنا ويبرك

حتي كلمة يا ساتر

قولها في سرك

.

كل شويه حمارك وقع

يا مين يحل الفوازير

تعال إحلف هنا.. وقع

وما يجيبوا الف وزير

.

ليه عايزني احلم حلم

ولما افوق اقول قوق

والله ما عنديش علم

لا بنفسي ولا بمخلوق

يا رب ارزقني علم

انصف بيه مسروق

ولا عاد صبر ولا حلم

لا بالتاجر ولا بالسوق

لا عن حرب.. ولا سلم

و يارب ما حد يدوق

كل ما دوقته من مرار

لا غروب وراها شروق

ولا ليل جه بعده نهار

والقلب مات محروق

قالوا بلدنا ف ازدهار

وكل ما فيها مغلوق

ننظر فيها بس انبهار

.

لساني موش معاه قول

الا ف قول الحق وبس

ياما بشر موش معقول

ما يودوا غير الحبس

.

غني وقول يا عقول

الجو حر ما هوش برد

وانا غريب معزول

ولما جيت اجني الورد

آتاريه شوك وعقول

ولما طلعت العقربه

من وسط غيط الفول

طفت لي الكهربا

يبقي مين مسؤول؟!

.

عاملنا يا رب بالاحسان

عدلك ليس ف صالحنا

الانسان يظلم انسان

مين علي نفسنا يصالحنا

يا ربي عجز اللسان

ندعوك وانت تسامحنا

وارحمنا يوم الميزان

وعلي السراط فرحنا

اه وبحق العدره مريم

عنكبوت الظلم حوش

ع العيون دايما يخيم

الحامي ناب الوحوش

يا عيون الظلم نزي

لوني كل الوشوش

هزي جزع النخل هزي

لجل الغيث الجو غيم

اه وبحق العدرة مريم

مين يشهدلك بالحقيقه

والقلوب مليانه زهجه

والجو مولع حريقه

الوشوش لامعه وراهجه

كل ظالم له طريقه

حوله شلة مظلومين

اللي ساعدوا ع الفساد

 اه يا شلة معدومين

يشهد لك رب العباد

الله نصرك يا فلسطين

 ويطفي نار الوساد

اه وبحق العدرا مريم

الظلم طايح وساد

والمظلوم طفطف وريم

والظالم عمال حصاد

دخلتها من غير ما أشوف

واللى ما جربتوش خروجى

ولما اخرج إعملوا معروف

ما تزعلوش و إضربوا بروجى

فى الصيف البس صيفي

والشتا لسه ما اعرفش

وما جيتش الدنيا بكيفي

ده بس عشان ما تزعلش

الدقايق والساعات

نعد فيها ما تتعد

ما حدش يعلمها محطات

وللنزول كون مستعد

قطر السنين غيمة سحاب

وسكك طويله بتتمد

ما تلاقيش حولك صحاب

وفي حفرة متر بتتمد

ارضي الله قابله بترحاب

هو واحد فردون صمد

..

سلوك الديابه تحترم مع بعض

قلبي تبنى أفعال بشر وعالها

نازلينها ف بعض عض

وياما تعابين ما حد وعالها

..

ياما بشرية ما تستحي

افعال زفت كده عادي

وهو في نفسه بيشتفي

وهو فاكره كيد اعادي

..