زمن صبحت الخسه فيه

ياخدوك بغدر وخوانه

يكفينا شر اللطخ السفيه

وشر إبليس واخوانه

ووووووووووو

تودي ف القول وإتجيب 

فتنه اصيل وشيخ عرب

ده انت موجب معانا وجيب

مع ناس كتير بيتها اتخرب

ووووووووووووو

نور محمد جه ريحه

لحد ما ف قلوبنا رجت

شفي ياما فلوب جريحه

وروايحه الجميله وجت

وووووووووووووو

أبعد بعيد يا بعيد

بعدك خير ليك وليا

زدت معاك ومازال بعيد

يا راجل بمثابة وايه

وووووووووووووو

من شربك الحنضله

ما يحلا المر ولا بكيلو

ولو بكل الالحان دله

لا اتزلل ولا أبكيلوا

ووووووووووووو

ده عديم فكر لازما تخفه 

ولو راسم ف علمه لوحه

وجه طالب السماح والعفه

بعد ما خلاها ملوحه

ووووووووووووو

واللي انتظرناه شربات

طلع تطقيش كبابي

ومن علينا ف قلبه شر. بات

بعد ما عشيته كبابي

ووووووووووووو

هادي وراسم اللذاذه 

وعنده ايمان ودين

وايه ما سمعنا الا ظاظه 

وقت ماقالوا ادفع الدين

ووووووووووووووو

طاب وقت الفرح ليه بانوا 

وف الشده ليه ما بنوش 

حرامي بيمضغ ف ليبانه 

يبقي الصلبه ما بنوش

وووووووووووووو

وع الندل

وع الندل طيب ما طيب

فاكره من ضمن الاقطاب

واطيب ف لحمه ما اطيب

قال ولا عد ما اتحرق طاب

وووووووووووووو

حطيت العقده ف المنشار

والعقده يا ناس ما اتنشرت 

ماتقولوا يا ناس مين شار

علي اندال ف الذور انحشرت

ووووووووووووووو

واللي قال كدب بقارتوا 

وجها لوجه يا هتايره

بقارتوا ولا موش بقارتوا

اتاري كلها تايره

ووووووووووووووو

فوق علي نفسك فوق

ولا ينفع اسايس ولا ارضي

ف اللي بيرفعوه فوق 

يحاول يسحبك ارضي

ووووووووووووو

الانسان علي كل لمان هج

والباقي عواقب م الزمن

حافظين وآهو كلوا منهج

ولا زول فيهم عاد مؤتمن

ووووووووووووووو