اول ما ابدا واصلي

واهدي نبينا سلامي

وقال سلامك وصل لي

وحبك منهج علامي

...

جالي طبي رحمشي

زاد لي الهموم اوجاع

هاخد بعضي راح امشي

سوا قالوا شبع او جاع

ع الندل

وعملنا للفار حسابنا

وعلي غير نفسينا ما الليم

لما جانا الفرح سابنا

ده رخيص ويجيبوا مليم

***

ع الخسيس

ما يملك طيني غير تبني

والحيط يقوي باساسه

ومهما ع الناقص تبني

ينز من تحته خساسه

***

الكداب

يا اللي انت علينا كاروك

طرطقت ليهم ودانك

ليه ع الديون كروك

لما كدبك دانا ودانك

***

مشوا الزين وطلعنا ماطالع

ومين جاب الشين لنا جره

اهو عامل حسابه ما طالع

والدليل حبسنا ف جره

***

صاحب القمح ما داري

ودرسنا الجرن ما جاه ريح

وجه الريح ما لقينا مداري

 نومنا ع الجرن مجاريح

لو كتبنا بدمع العين

لا ملينا كتب ومراجع

جيت اشوف نفسي فين

اتاريني توهت وما راجع

شمس الشتا وحشاني

ودايما كارهه الصيف

منجلها تالمه وحشاني

وماسكالها علينا سيف

جالك صاحبك يتجرد

هات له الصاقع وليمه

عمرك لقلبه ما هتبرد

من غير بكباية نميمه