انا دمعي عمره لن سال
غير لل حارب فدائنا
نبي زين كريم لنسال
صلواته هي تشفي داءنا
...
وياللى نورك وصلنى
حتى لما كنت عايب
يوم الصراط وصلنى
امانتك انا والحبايب
...
بحب الله وصلاة نبيه
نطير وقلوبنا سبقانا
ماتتعلق ارواحنا بيه
نلاقي الخلق عشقانا
...
طول ما صومنا وصلينا
وعلى اكل العيش بنعافر
حتى لو الجوع وصل لينا
ما يخاف الموت إلا الكافر
...
ملك الموت لما جه لموتى
لا اتأخر ثانيه ولا دقيقه
وانا قلبى حجر جلموتى
مايخافشى اى حقيقه
...
مهما كان أمرى كان
انا في بلدي ما أباتشي
لو خوفت يوم أمريكان
ولا نووى ولا اباتشى
***
ميزه واكبر ميزه
استاذتى ف التربيه
وف هواى تلميذه
عزفت عا الوتر بيا
...
لما راموني ف غرز
قال هات سيفك تعا بارز
رب القلوب بيفرز فرز
قال من غارز ومين بارز
...
لما بكتب كافي كلامي
ماحوطش همزه ع اللام
تلاقيني كافي كلامي
واقول الله علاَم
...
نرضي ونقول سايره
ونمشي لقدام نلاقينا خلف
ليه كل ما نقطع دايره؟
ييجي غيرها كتير يتلف
...
وعد ولا حس... بينا
جمل واخدنا في خفه
والشقيان ولا حاسبينه ؟
ما هو واقع من قعر القفه
...
يكفينا شر النفوس
لما منك ف نفسها تاكل
يشوفك يحك الفانوس
يحضرلك عفاريت مشاكل
...
جه اليوم وخان زمانه
والقلع بلا ريح وعايم
جه السبع يُاخد مكانه
لَقَي قرد ع التخت نايم
***
قلوب الناس علل و عوار
يصرخ من بين ما تلمس
والكلاب اسياد الدار
عيش فيها من غير ما تهمس
***
من يكرهك ابدا ما يحن
حتي لو اهداك جواده
السن ضاحك للسن
وشايل ف قلبه سواده
....
الحر ف الضيق راطنه
واياك لاصيل تعادي
وابعد من صاحب بطنه
يسوق بيها عليك اعادي
...
شايف ف الارض قاعده
شايف ف السما طيران
والدنيا قايمه وقاعده
مزنوقه ف كذا دوران
...
لما ف الغرام وديتني
اعمق مكان ف قلب
يا ريتها مكانت ودتني
ولا قلبت كياني ده قلب
...
ده سيف الحر ما تلمش
دايما ف الحق حاند
غير علي نفسك ماتلمش
ان كنت يوم تعاند
...
ويا فخ علينا اتنصب
يا مقنف بلحك ما صاص
كي احنا اصحاب القصب
ترموا علينا المصاص
...
عامل كريم ونضيف
والوش وش مناضر
وان شاف مره ضيف
يعمل نفسه ما ناضر
...
اختبار الدنيا قاسي
والغلب ما نشف ريقي
دايما ياجي مقاسي
وضم نفسه ف فريقي
قليل الاصل لن طاع
لا ابوه ولا حد همه
ويعمل حساب لنطاع
وبطنه هي كل همه
خليك يا حجر مرصوص
نهابوك ثقافات وحضاره
وناهبونا والله اللصوص
نعمل ايه بالحجاره
ان دلدل رقبته وفكر
اعرف رجل المدام
هيشاور ويرجع يتنكر
وعمره كلامه ما دام
ماتلفيش حوليا شباكك
انتي ف بحري يا دوبك سمكه
يلا قوام اقفلي شباكك
واجري يا شاطره بعيد بالشبكه
يا بني ياللي بتبني الحيط
عصفور الغيط حولك غني
ابقي اوزن بناك بالخيط
عشان البيت يطلع جنه
...
كبيرك تاني ما تلوعاش
اديك بتتمني قديمه
كبيرك إن مات لو عاش
قول نعمه الله يديمه
...
الوتاده يا ابن الناس
غير ف الصلبه تدوقش
خد نصيحتي يا ابن الناس
ع الناس الهشه ماتدوقش
...
بشر وتحت الحيط لابدين
وتعبا يا بوى م العواصف
لا اعترفوا بسلف ولا بدين
ولا حد جالهم وَاحد ناصف
مات عامل الناس كا الناس
ولا انت يادوب باعتينه
من قابلك خولي كناس
لكين عمره ما باعتينه
...
ده اللي باما وصيته
وعبيت له الخير عبي
ليه يوم ما كتب وصيته
تعابين تقرص ف عبي
...
العمر جري بينا
جرجرنا وراه جرجير
وانتي يا دنيا جرابينا
حتي لو نبيع جرجير
...
انا اللي قلبي شلا بيكي
هشلي قلبك شليه
اه يا غلبي وشلابيكي
من فين اجيبلك شليه
...
يا مصفياك مصافي
شعرك سلوك الدهب
ولولا قلبك ما صافي
ملك الملوك ما وهب
2
-2
