الناس ماهيش آيه قرآنيه

الناس ماهيش آيه قرآنيه

لجل ما تفضل فيهم تفسر

اعفي نفسك م الكرهانيه

وحسن النيه اكيد بيأثر

 

كل ما اشيل كام.. طوبه

تطلع لي تعابين.. وعقارب

ناس غربا كانت.. مشطوبه

كتبتهم مكان.. الاقارب

 

ليه كل الناس طايبه لي.. الا القريب ما ذاب لي

وصف لي طبيب المبالى.. قال قول علي الله يا طبلى

 

مهما كانت الناس.. غامضه

ولا تعرف شرها.. من خيرها

مهما الزمن مر في.. ومضه

ولا بد ما يظهر.. آخرها

 

ناس تصرخ في وشك وانت موش طالبهم

 دي اطيب ناس بس يا دوب الهم غالبهم

 

ياللي مع الناس بتعانى

ولا هتقدر ترضيهم

يعملوا عليك من بلعاني

ويتهموك في بلاويهم

 

اذي الناس إن.. ملاك

وصبرت كتير وزاد

يا بتتولد انسان.. ملاك

يا إما بتملا الارض فساد

 

والله ما تتصفح تصفيح

ودايس علي حق الناس

ريحتك لازم تفيح

وتشرب من نفس الكاس

 

شجرة المحبين.. ما تنشف

وان طال عليها الليالي

والناس المنافقه.. ما تنشاف

وان وقفت قصادي.. تلالي

 

شجر المحبين.. ما ينشف

وان مرت سنين ما شفتوشي

و متاح للعامه. ما ينشاف

ولو وقف ما بين رموشى

 

بوقف علي باب ربنا واشتكي

باللي لا يعرف يقوله اللسان ولا يتحكي

ياما زرعت في ناس إحسان

ما زرعوا فيا غير احزان وسرقوا ضحكتي

 

واقف يا بحر ع الشط مرووموش

يا موج هادي يزيد ما ينقص

بس اول مره اشوف رموش

من غير ما تتحرك جفون بترقص

 

مجرب موش لسه هجربوا

انا اللي بجيب الديب ادربوا

وانا اللي بجيب الحرامي واهربوا

وانا اللي بسجن المخلص

افضل اعذب فيه واكهربوا

 

تفضلى يا عرب مشكوره

مصر مش كوره

لجل ما تحتاج.. بلف

تنده عليكي امريكا

تروحى مبلوفه .. بلف

مصر ف القرآن مذكوره

لا تتباع بجنيه ولا بلف

 

لا نخاف من سواد الليل والهجر

ولكن نخاف سواد القلوب

سواد الليل يأتى بعده الفجر

اما سواد القلوب لا فجر له

وما اقبح شكل اللئيم بعد الغدر

 

ندل قليل الاصل

واطي وجبان منحط

عمل معايا الفصل

علمت عليه بخط

 

واللي قلبه يطاوعوا

وتصعب عليه الناس

لابد م الناس تلاوعوا

ويشربوه الكاس

 

انا قلبي يزيد عمره ما ينقص يا ملكة جمال الكون.

الذاي رموشك بترقص من غير ما تحركي الجفون

 

مهما حاولت تثبت لنفسك

إن الناس دي تمام

واتغلط نفسك علشانهم

ما ها تركب غير الملام

 

ياه علي كمية الخلايق

اللي عملناها بكل اصل

وقلوبهم قايدة حرايق

يعمل معاك الفصل

ويعمل زعلان متضايق

 

ياما حاربتني جيوش م الجبر

الموت عارفه كويس وعارفني

وقلبي ان خاف ادفنه ف القبر

تيجي انت يا ناموس تعاركني

 

يا رب صل علي الحبيب المنتقى

لا شئ في المدح فينا مطلقا

من صل عليه زاده وصال وأرتقى

وعلي حوض نبيك يكون الملتقى

 

اللهم لطفك من كل ضيق

ولا تحملنا مالا نطيق

واكفنا شر العدو

لما يظهر في هيئة صديق

 

لو قلبك شمعايه بينور عليهم

 إياك تسيبها تنطفى

وسوء النوايا لو ملا عنيهم

سيبهالهم وإختفي

 

انا اللي الحيل معاي اتهد

وموش لاقي للسفهاء رد

غير اني ارميهم بالورد

 

الكلمات تشبه المفاتيح

استخدمها فى ما يليق

طعمها حلو وصادق وصريح

تفتح لك كل المغاليق

 

واخدين دورة صياعة رجاله وحريم

ومخرمين في شوارع بعض تخريم

وناطين علي حدود بعض

تدخل وسطيهم عمراك ما هترجع سليم

 

موش عارف مين فين ابدأ

ولا عارف من فين أنهى

اصبحت ما عنديش مبدأ

ولا عارف اختار.. أنهي

 

اي حد عارف نفسه تمام

ما ينفعش تعاتبه ولا اتقوله انت تمام

عامله زي ما شايف نفسه تمام

 

اصبحنا نخاف من جانبنا المضئ

ولست من جانبنا المظلم

الشمعه التى تحترق لكي تضئ

تكشف طريق لأعداء بتظلم

 

مهما حاولت تثبت لنفسك ان الناس دي تمام

الناس دي تفضل تعاكسك بشغل الناس اللؤام

تنزل لسفاهة فكرته ينافسك ويغلبك بالكلام 

ويسحبك ويجرجرك وكمان تديه التمام

وعمره ما هيسيبك يلاقيك بعدت عنه وبقيت تمام

 

ياللي انتي دخلتي قلبي بفرس

من غير تخبيط ع البيبان

موش كونتى تضربي الجرس

ولا عشان انا غلبان

 

اهي قاعده ونار بتشعلل

ولا القمر لسه عايده

العيون راهجه وبتزغلل

اوعي وشك م الصعايده

 

ظلم النفوس.. واعر

يا إما يقلبك لوحش

يا إما بتصبح شاعر

والانتقام ما ينفعش

 

ما بقاش فينا طاقه

لا للعتاب ولا النقاش

ولا تربطنا اي علاقه

لا. بالبنا.. ولا النقاس

 

الفقر ماهوش عيب والله وحده هو العاطي

بس العيب لما تتطفح ويظهر اصلك الواطى

 

ولا عارف ايه سبب الوجع؟! 

ولا عارف سبب لدمعتي؟! 

ياما ناس كما ديب واتفجع

واللي ساعدهم فطرتي

سواد قلوب ولا ضيق عقول

ولا انا السبب في وعكتي

لو كنت اعرف موش كنت اقول؟!

 

انا قلبي ما هوش ضعيف ف كل حاجه يتغلب

أنا قلبي ماهوش خفيف لوقت الحاجه ينطلب

انا قلبى ما هوش حلوب لجل ما يتحلب

قلبي ما هوش خذنة فلوس لجل ما يتسلب

انا قلبي ما هوش رغيف علي حسب الطلب

 

لا ترغم حد ولا تخيره..

ده الواحد فينا لو مين ناجاه.. 

وكل ما اتمناه وحيره..         

وإن علي طبق الدهب جاه.. 

هايرجع بنفسه يغيره..         

وان كان له سلطان ولا جاه.. 

من أصله نفيس يعيره..         

من اصله رخيص ولا تسترجاه.. 

حسب التيار ما يسيره..          

لا فيه نصره ولا حتي نجاه..