في بيت شِعر قابلت روحه

مجازُه جاور لي النجوم

فتن لي حرفه بوجع جروحه

وقبضته ف قلب الهموم

سمعت خوفه 

حلمه..

وبوحه..

ونبض دعوة لفرحه يدوم

وقبل ما اتعرف عليه

ده اسمه إيه؟

ده شكله إيه؟

ده مين يا ناس؟

وفين؟.. وليه؟

روحي ردّت بعد غيبة

بعد سَفْرَة في الفريضة

بين طواف وتيه وصوم

صالح جوارحي حِسّها

زارت وجودي بسِرّها

قامت قيامة كوني تقوم

قالت لي شُفْته من زمان

قبل المكان..

في.. لا عنوان

روحي وروحه اتخلقوا توم