الشمس في مؤتمر صحفي

الشمس في تصريح غريب..

قالت:..

 بلا أجل..جايز تغيب!

إحساس الخضّة كان.. رهيب!

والكون أصبح فاضي ومُريب!

إيه الرجا من غير دفاها؟!

من غير ما ندُور في مداها؟

الكل نادى.. روحي.. فِداها

وحشُود بتبكي.. تترجاها 

وتحايل وِدّها وضياها

مدد يا سيدنا...خدنا معاها 

وأنا ما خفت ولا قِلقت

شِلْتَها ف قلبي...سكِتّ

قمري تَساءل.. ليه خِرست؟!

حيران.. ده نوم؟!.. ولا شِرِدت؟!

ولا تكونيش بلاطة يا سِتّ؟!

جامدة.. وباردة.. وحاجة زِ.. ت????

أنا هِنا.. ولا لحظة غِبت 

ولا جِبِنت.. أو استسهلت 

أنا أصلا حاضنة الطيف..

نوره فِ روحي شفيف

وموجه فِ موجي وليف

مطمنة ...شايفة الوصيف..

بيجهز له ..وهَج و صِيف

ونهار عنيد ..جبار..مُخيف 

السما.. و صُبحه حليف

 والمُنى في اللُُقا....كيف...

ساكن الأرض.. مش ضيف

مش لُقا عابر.. خفيف..

لُقا المشتاق الشَّغِيف

ولو كان غُنايا يضيف؟

بالرغم من لحني الضعيف!

لاشُقّ فِ قلبي بِسِيف 

وآخد من حُبُّه الرّهيف

وأغني واحضنك يا طيف: 

(طلعت يا ما حلا نورها شمس الشموسة..????????) 

#غنوتي_من_غنوة