جوه الضلوع شايل وٓجع 

ياكل في راحتك ولا يوم شَبع 

كل الدموع متجمعه 

كل ابتسامة بتداري قَهر ...

طول ما كتافك متحملة 

ظنوك جبل 

طول ما أنت ساكت 

تبقى جدع ...

جرب يوم اشتكي 

الهمس وراك يتسمع 

صاحب الكرامات 

بقى صاحب خِدع ...

 خُذوه فغُلوه 

وعلى المقصلة علقوه 

بأي حق طالب بحق! 

وبأي حق يقول تعب !

و انا كلي غُلب 

قابلت غالي وقبل ما ابكي كان هرب!

كل الأماكن ضيقة 

كل المعارف مصلحة

كل حُب صليل وجرح و معمعمة.  

كل الكلام فض مجلس وانتهى..

 نفسي أتنفس حقيقة ..

واقف مكاني وكل دناءة مكملة...

الكذب صادق 

والصدق روبابيكيا عليها صدا

أمد ايدى بالعطا 

يقابلها الضرب بالعصا...

لا خير رجع 

ولا شر ارتجع ...

و اه يا وجع 

ينتهي منك فصل غيره بذات اللحظة شَرَع ...

غجرية نطق لها الودع ..

قالت لي هتموت لوحدك لا مِن شافك ولا من سمع ..

فاضل كتير؟!!

خايف جيب الليالي يكون مخبي لسه كتير بدع...

وآه يا وجع ..

♡ᥫ᭡_______________❥