*السند*

كان أحلى موضوع انطلب منى اكتب عنه بس الحقيقه انا زيك يا صفيه اتغيرت نظرتى للسند .

قبل اى حاجه السند هو الله ..

من بعده اسند على نفسك كويس اوى وان ملت حبه هيظهر هو .

السند ده رسايل حب من ربنا حد كتفه مش بيميل ابدا مهما ملت عليه حتى لو مليااان وجع .

السند بيشوف بعينك وبيسمع بقلبك وبيحس من حروفك بوجعك .

السند هو الصدق والامان والاحتواء الى يخليك تجرى عند الباب ده بس عشان تاخد نفس .

انك متخافش لما تميل ناحيته انك تحس بالقوة فى عز الضعف بس بنظرته انه أهل للثقه وان سرك معاه تحت سابع ارض واتنسى .

انه يبعت رساله يقولك متغبش تعالى ويصر يخرجك من عزلتك .

السند يمكن ميكونش عنده حلول لمشاكلك بس عنده حب ووفاء وصدق بيمد جذوره جواك عشان يطرح دفا وراحه وود .

السند مش حد عرفته من سنين ولا حد عرفته في يومين السند ملوش علاقه بالزمن السند جزء من روحك .

كل ما تتعب عايز تروح له وتقوله :

ياااا أنا 

ولو مروحتش يجري هو عليك ولوقفلت الف باب يلف من كل شباك يعدي ما بين ايدك يفرض نفسه على حزنك ويقولك من غير مناسبه وحشتني وبحبك وانا جنبك .

السند حبيب وحبيبه وزوج وزوجه واب وام وصاحب وابن واخت السند كمان روح بتشبهك😉

السند بجد عكاااااز.