أنا أسفة على التأخير

وموت الرد جوايا

أنا أسفة علي وجعي

اللي محستوش

لحظة وأنت معايا

وأسفة أكتر علي الصُدفة

 اللي جمعتنا بهواية

وكل حرف أنا كتبته

 وجمعني بك في رواية

أنا أسفة علي التبرير

 ونبض القلب اللي بات مكسور

 وحزن ودمعة

 بعيوني

ما فارقتني

 بعتمة ليل

 بشوق مهجور

وأنا أسفة علي نفسي

وبين نفسي كتيركلام معذور

أسفة علي كل وقت وذكري 

وبفتكرها ضياع وموت

عن الفرحة رسمتها وودعتها بلا كلمة

وعن الوعد اللي انتحر

 بالبُعد عني من غير عتاب

وأسفة اكتر عن الضحكة

اللي سجنتني بأمس اليوم و لبكرة

 وطول الوقت ما بفكر بشئ اكبر من هوان البُعد

أنا أسفة... 

وأسفة أكتر علي التغيير

عن نبضة حايرة في تفاصيلك

عن كل حُب ملوش منطق

ومات بالعقل بتأثيرك

أنا أسفة علي التبرير

و الصمت اللي طال بمعاليك

وعن المشاعر اللي قتلتني

 بلحظة كانت ما بتعنيك

 وأسفة عن حياة كانت

وكنت فيها لك بديل

أنا أسفة وأنا الغلطانة

 بحق كل اللي عرفوني

وعرفت بهم القسوة

إزاي تنسى جمالي بعينيك

وأسفة بكل اللي شغلوك بيهم

ونسيت معاهم غفراني

و أحلامي اللي قتلتني و ضاعت معك وبيك

أنا أسفة علي وجعي

 وبقولها وبعلن التغيير

كل اللي قبلك طعنوني،

والطعنة منهم مبتموتش

إلا طعنة غدرك بيه

موتت كل أحساسي

انا الظالمة

 وأنا الجاني

وأنا المظلومة

 بحبك ال أناني

هزمت ضعفي

 وكل خوفي

وبعلن بكل أسف حالي

 بموتك في عيني وقلب خالي

ومش أسفة ولا ندمانة علي التبديل

ولا حزني دلوقتي

 بيحكي غير

 إنك أخير

لا عمرك كنت خير ليه

ولا من الأول قلبي ليك

سلامك زي ضرباتك

ملام وغدر وكلك مرير

وده أخر حتة جوه الروح 

وأنا أسفة لنفسي كتير كتير كتير