سألت الليالي

من يوم..

 ما بعدت يجي من كام سنه

بقيت لوحدي ومبقتش أنا 

ضعت وضاعت كل معاني الهنا 

سألت ..

 الليالي ليه نسيت حبنا؟! 

اختفى القمر في ليل حزين 

وكتب على السحاب رساله بدمع العين 

معقوله..

 نسيت الذكريات ويا الحنين 

ازاي قدرت تبعد عني سنين؟!

أنا لسه بكتب عن حبنا 

وبرسم بالورد حلمنا 

لسه فاكره..

 الوعود ورسايل قلبنا

فاكر..

 لما الشمس بالدفا تضمنا

حتى البلابل حفظت سرنا

معقول ...

النهايه هي بعدنا 

ليه السعادة ضاعت 

مننا 

مهما كان البعاد 

هكتب واحكي عننا

هستناك..

في يوم تعود 

نكتب بإيدنا الذكريات

وننسى كل اللي فات 

من غيرك ضعت وروحي تاهت

أنت صحيح بعيد

بس من قلبي قريب

لو دخلت جوه مني

مفيش غيرك حبيب

فاكر..

كنت لجرحي طبيب 

لو كان البعد اختيارك 

علم قلبي نسيانك

وازاي اعيش في بعادك