أولادنا هم حياتنا. أول ما يفتحوا عيونهم، مش بيشوفوا غيرنا. إحنا بالنسبالهم العالم كله.

ما تخليش ولادك يشوفوا العالم بشكل سيئ من خلالك. لازم تكوني قدوة صح.

وعلشان كده، دي رسالة لكل أم وأب:

قبل ما تقرروا تربوا ولادكم إزاي، لازم تبتدوا بنفسكم.

مينفعش تعاقبي ولادك على تصرف إنتِ نفسك بتعمليه.

مش هقول لازم تبقي ملاك، بس اعملي "أبديت" لنفسك،

نسخة جديدة ولادك يشوفوها ويتعلموا منها الصح من الغلط.

كونوا مصدر إلهام ليهم،

خليهم يقلدوكم وهم مرتاحين، من غير ضغط، وبحب.

خليهم واثقين إنهم ماشيين في طريق آمن،

من غير خوف إنهم يقعوا،

وحتى لو غلطوا، يتعلموا من الغلط وما يكرروش نفس الخطأ،

بدل ما يتعاقبوا عليه.