فيه لحظة فاصلة لازم توقفي فيها فورًا، من غير أي تفكير، الجدال مع أولادك. 

إيه هي اللحظة دي؟

أول ما صوتهم يبتدي يعلى.

وقّفي المناقشة فورًا، إوعي صوتك إنتي كمان يعلى، لأنك بكده بتحطي نفسك في نفس مكانته، وبتوصّلي له فكرة إن النقاش بالشكل ده مسموح بيه.

طيب، تعملي إيه؟

أول ما تتناقشي معاه في أي موضوع وتلاقي صوته بدأ يعلى وابتدى يتطاول، انهي النقاش فورًا، وقولي له بمنتهى الوضوح:

"أنا مش هكمل الكلام طول ما صوتك عالي. طلبك مرفوض. لما تيجي تتكلم معايا بشكل محترم وبصوت هادي، ساعتها ممكن أسمعك وأقتنع بكلامك."

ومهما زعّق واتخانق وعلّى صوته، ما ترديش أبدًا.