كتير من الأمهات بيكونوا فاكرين إنهم لما يعملوا كل مسؤوليات أولادهم يبقوا كده "تمام" ويعتبروا نفسهم الأمهات المثاليات.
حابّة أقولك إنك كده بتضيعي ابنك أو بنتك!
لما كل حاجة المفروض هم يعملوها، انتي اللي تقومي بيها، النتيجة هتكون: طفل اتكالي ١٠٠٪، مش بيعرف يعني إيه مسؤولية.
لما تشيلي له هدومه وتحطيها في الدولاب، أو لما تكوني تعبانة ومش قادرة تتحركي، وهو قاعد حاطط رجل على رجل وبيلعب في الموبايل، وانتي تقومي تسندي على الحيطة علشان تعملي له الأكل — وقتها ما تلميش غير نفسك!
لما تكبري وتتعبّي وماتلاقيش منه دعم أو اهتمام، افتكري إنه اتربّى على إنه مايعرفش يتحمل مسؤولية نفسه أصلاً.
في أمهات بتوصل لدرجة إنها ترد نيابة عن أولادها!
يعني حد يسأل ابنك: "اسمك إيه؟ عندك كام سنة؟"
تلاقيك انتي اللي جاوبتي!
طب ليه؟ ما هو عنده لسان ويقدر يرد.
ده نوع من أسوأ أنواع التربية، لأن نتيجته طفل اتكالي، مش بيعرف يعبر عن نفسه، ولا يواجه الناس، ولا حتى يعرف هو مسؤول عن إيه وليه.
اللي بتعمليه دلوقتي بيشكل شخصيته.
لو فضل ياخد طول الوقت، من غير ما يتعلم يدي، يبقى هيطلع شخص أناني، مش بيقدّر حد، ولا بيعرف يعني إيه واجب أو حق.
2
-2
