إمتى يوصل ولادك لدرجة إنهم يكونوا أطفال كذّابة؟

السبب الأساسي اللي بيخلي ابنك يكذب هو الخوف.

خايف يقول الحقيقة علشان لو قالها هيتعاقب، فبالتالي بيلجأ للكذب علشان يهرب من العقاب.

في الحالة دي، لازم تربي ولادك على إن الحقيقة هي المنجية.

لو قالوها، مش هيتعاقبوا، لكن لازم يعرفوا إن اللي عملوه غلط، وإنك زعلانة منه، بس من غير عقاب.

وقتها بس، ولادك مش هيخافوا وهيكونوا صادقين معاكي في كل حاجة.

ساعتها، تربيتك ليهم هتكون أسهل، وهتكوني بعيد عن الكذب والغش.

لأن العلاقة بينكم هتبقى أقوى، ومبنية على الحب، والثقة، والصراحة.