"مامي مش مهم" — هي دي الجملة اللي بنعوّد ولادنا عليها من غير ما نحس، وبيكبروا وهم شايفين إن مامي فعلًا مش مهمة.

عادي مامي ممكن متاكلش وتدينا أكلها، أصلها مش مهمة.

نجيب الحاجة الحلوة وما نعزمش عليها، ما هي مش مهمة.

تكون تعبانة ومش قادرة تقف، وبرضو نطلب طلبات، عادي ما هي مش مهمة.

كل ده أكبر غلط.

مش معنى إنك أم إنك لازم تضحي بكل حاجة.

لا، لازم ولادك يفهموا إن مامي مهمة، ومهمة جدًا كمان.

مينفعش ياكلوا الحاجة الحلوة من غير ما يفكروا يدوها الأول.

مينفعش تكون تعبانة وهُم يهلكوها بطلباتهم.

لازم يراعوا إنها تعبانة، يا إما يستنوا لحد ما تبقى أحسن، يا إما يعملوا طلبهم بنفسهم، وده عادي جدًا.

ربي عيالك إن قلبهم يكون عليكِ، مش تكوني شخص مهمَل ومالوش لازمة في حياتهم.