يلا ريفيو 

مرحبًا بكل محبي الشعر والإحساس ✨

النهاردة معانا ديوان مختلف جدًا... اسمه "واحدة جديدة"

للكاتبة والشاعرة الجميلة هبة موسى.

الديوان ده مش بس حلو...

ده بيوصل لدرجة إنك تحس إن كل قصيدة فيه مكتوبة "عنّك"...

أو يمكن "عنِّي"...

أو عن كل حد حوالينا.

كأن هبة بتتكلم بلسانّا كلنا...

وده أكتر شيء بيشدّني في كتاباتها.

كل مرة تنزل بديوان جديد، لازم أشتريه، وأنا مطمنة إنه هيوصلني...

على قد ما الجمل بسيطة، على قد ما هي عميقة، ملهمة،

وتدخل القلب بسرعة غريبة!

هبة موسى مش شبه حد...

فريدة، واخدة سكة لوحدها، في حتة تانية خالص.

في كل مرة أقرأ لها، بحس إني عايزة أكتب ارتجال على كلامها، حتى وأنا مش شاعرة.

كنت محتارة أختار قصيدة واحدة أقولها لكم،

بس الحقيقة... كل القصايد حلوة.

واخترت أقرأ لكم:

📖 شروخ في الروح

"شروخ في الروح

مخليه الجروح عواجيز

وصعب الجرح يلم

لو من حد غالي عزيز

شروخ يمكن تهد الحيل

وصعب علاج يرحمها

وصعب أبوح أو أتكلم

وصعب أعيش وأنا كاتمها

شروخ في الروح

أساسها جروح

تهد جبال"

كل قصيدة في الديوان أحلى من اللي قبلها...

كل سطر وراه إحساس كبير،

وشكرًا جدًا للشاعرة هبة موسى على الإبداع الراقي ده.