مش بعاتب

من أمتى ضعتي من جوايا كده وبقيتي بعيد

طب فهميني وأحكيلي ليه التغير 

رغم الحزن اللي جوايا جتلك من غير تفكير 

ملقتش غير مسافات وببرودة في اللهفة 

حاولت أقرب بس النتيجة سبتي قلبي جريح 

وقفلتي في وشي البيبان وبعدتي بشكل صريح

في لحظة لمحت في عينك حزن مع دمعة

خفت أقرب تاني وتبعدي عني بدون تفسير

أحساسي عمره ما خاب وبيكي فاق التقدير

مش بعاتب

لأنك أكبر من العتاب 

ومش هخاطر

بقلب عاش على السراب

ولو حاولتي في يوم تقسي

هستنى سنين مهما طالت المسافات

وهكتب حروف اسمك على الحيطان

افهميني أصل الحياة من غيرك ما تنعاش

أنتي الجميلة اللي اتحملت عشاني كتير

ليه دلوقتي هتمشي وتضيعي من غير تبرير

مهما زعلتي هكون ليكي مصدر البهجة

انتي القهوة رغم مرارتها بس بعشقها

والأمل اللي مفتاحه تاه وسط الزحمة

بس اوعي تضمني وجود قلبي المريح

لأن صبره لو نفذ هيكون وجودك كأنه غريب