من بعدك، كلامي بقى شخابيط

وكل ما أمشي، أدخل في الحيط

اللي يقولي: "مالك؟"

أقول: "مالي؟! ما أنا زي الفل"

وبداري الحزن بالبسمة

وكل حياتي بقت باهتة

كنت فاكرة إن الحب هيبقى نجاة

بس الغلطة إني مفكّرتش في بُكرة

ومشيت ورا إحساسي الكدّاب

أديني بعاني، وبادفع التمن وحداني

نهاري يشوفوا الفرحة في عيوني

يقولوا: "دي نسيت، وقلبها جاحد!"

وييجي الليل، أعيش بقلب حزين زاهد

بعدت وسكت على ظلمك ليا

وماتت روحي يوم ما قلبك خلاني غريبة

القسوة المُرّة اللي اختارها فُؤادك

بُكرة الدنيا تلف... وتعرف إن قلبي عمره ما خانك