لما بفكر

بنسى قرار الرحيل

وبلقى ف قلبي حنينك دليل

بعيش ويا طيفك وألقى الأمان

وأهجر همومي وسر الدموع

لما بفكر

بشوفك بعيني كتاب الحياة

وصور الذكريات ف كل اتجاه

بعيش الحنين بروح الجنين 

وأحلم بلحظة تجمعنا أكيد

لما بفكر

بتمنى أعيش البداية من جديد 

ونوقف زمانا بساعة صفا

ما كناش نبقى غُربا كده

ولا الحب يضيع في لحظة عدم

لما بفكر

ياللي عينيك ضيّ القمر

بنسى معاك كسر الفؤاد وحلم الهجر

صحيح اللي فرقنا كان قدر؟

ولا كنا سطور على ورق الشجر؟

لما بفكر

بلاقينا ف كل مكان مرسومين

وحبّنا باقي عبر الزمان

لكن كأنّا كتاب انتهى

وكابوس بيمحي عشق الأمان

لما بفكر

ببكي الألم .. حزني كتب دمعي كلم

وتاه الوزن جوه الديوان 

ازاي وصلنا للحظة… ضاع فيها الامان 

لما بفكر 

بغمض عيوني يمكن افوق 

اعيش جنوني وحب يعيش 

اسافر بعيد جوا الخيال 

واشوف فراقنا من المحال 

لسه بفكر وهفضل أفكر

ليه لما قلت الوداع زمان

ودعت قلبي معاك من سنين؟

آخر رسالة يوم الفراق

خليك على قلبك دايمًا امين