اتدري أنه عندما دخلت إلى عالمك ضعت عن نفسي 

اصبحت لا أراني لا اهتم سوى بكل ما تحبه وتتلذذ به 

ومع مرور الوقت وعدت سنين كتير مش فاكره عددها لقيت نفسي بعمل كل حاجه أنت عايزها وبتحبها كل حاجه بتتمناها بسعى أنا ليها

بقيت مسخ من شخصيتك ونسخة من صورتك 

لحد ما قومت في يوم مش عارفاني ومش فاهمه حتى هو انا عايزة ايه 

ضعت، تهت، موت نفسي من جوايا

نسيت طموحي، حبي، حتى شغفي بقيت مش فكراه كل ده علشان ارضي غرورك ويكبر كبريائك

بس عارف رغم اني مش عارفه هبدأ منين ولا إزاي علشان أبدأ اتعرف على نفسي من جديد بس يكفيني فخرًا أني بعد صراع طويل مع روحي أني انتصرت وعرفت أني خلاص مش هبقى نسخة منك تاني وهكون نسختي انا وحياتي أنا حتى لو وقعت هرجع اقوم وأكمل حتى لو كل يوم بدأت من الاول مش هتعب ولا هيأس لحد ما الاقي نفسي الحقيقية