النهاردة يوم ميلادي 

بس أنا ليه حزين 

والطير الحر بقى ليه سجين 

والفرح بقى باهت مليان أنين

وبين وشوش وضحكات السنين 

لسه قلبي بيدور عليكِ

لسه بشتاق لضي عنيكِ

يوم ميلادي بس جوايا مشتاق 

وبكتب قصايد للفراق 

في عيني لمعة قالوا فرحة

ميعرفوش أن جوا عيوني دمعة

على قلب فارق من سكات 

من غير وداع ولا آهات 

رغم كل الموجودين كنت وحيد 

رغم ضحكتي كنت تعيس 

مكنتش أعرف إن وجودك بيفرق كده

وأني من غيرك غريب 

إمتى بعدنا اوى كده 

وأنتي كنتي قريبة 

في يوم ميلادي 

قالوا أتمنى شئ جميل

أتمنيت اني اكون لقلبك أسير