زمان، كنت متخيلة إن الشخص البياع مستحيل يبعني، لأني ببساطة شخص مسالم، وعمري ما غدرت بحد.

وكنت بقول: "هو صحيح باع ناس كتير، بس أنا غير."

لكن مع الوقت، ومع النضوج والتجارب، اكتشفت إن أنا بالذات ببقى تحت الميكروسكوب عند النوع ده من الناس.

لأنه مش عارف يلاقي حُجّة أو مبرر يبعني بيه من غير ما حد يلومه.

ولو ملقاش فرصة أو معرفش يمسك عليا غلطة، يتخيل غلطة وهمية وينشرها،

ويقول للناس كلها: "شايفين عملت إيه؟"

ويشهد ناس هو عارف كويس إنهم مش هيعارضوه،

ويعمل الحفلة اللي كان نفسه فيها،

ويبيعني.

ومن هنا، اتعلمت درس مهم جدًا:

أول ما أعرف إن الشخص ده "بياع" حتى لو مكنتش أنا اللي اتباعت،

أبعد عنه فورًا.

لإني متأكدة إن الدنيا هتلف...

سنة، اتنين، أو حتى عشرة،

بس مش هيسكت غير لما ييجي عليّا الدور.

فبوفّر على نفسي حاجات كتير قوي،

وببعد من أولها.