حبة ورق متبعترين
والحلم شايلاه من سنين
الحلم كان جوايا روح متشعلقة
خطاوينا تستنى اللقا
وعيون بتهمس للقلوب
ازاي نتوب
عن حب جوانا اتولد
أصل الولد في حشايا
ابن لقلبي وهواه مذهبي
ودعيتله بشفاعة النبي
يبقى نصيبي
وإن كان بإيدي
أروحله تايهة في البلاد
وأما ألتقيه
هصرخ حزينة من البعاد
تشهد عليه كل العباد
أن الي زرعه ربنا
جوه القلوب
ماحد يقدر يقلعه
مهما الزمان بعده
أو حد جه يستعبده
يفضل جنين جوه القلوب
مرسوم أمل فوق الجبين
وبنبضه يسري مع الحنين
وبنظرة واحدة من العينين
يصرخ ياهوووووه
الحب زادي ومذهبي