فيه أطفال وناس كبيرة في السن ونساء وشباب بتروح موائد الرحمن في الخيم الرمضانية اللي منتشرة في العريش وضواحيها ، عشان تاكل وجبة حتة لحمة او جزء من فرخة ويشربوا شوية عصير مع حبتين تمر ، لكن للأسف الناس مبتخدش ومبتلاقيش على الإفطار إلا حبة أرز أو مكرونة وطبيخ ، والأطفال بتطرد مع انهم رايحين عاوزين ياكلوا لكن القائمين والمشرفين على موائد الرحمن كلهم حطين الناس في صف العوزة والفقر والاحتياج وبيتعاملوا معاهم من هذا المنطلق ، حرام عليكم الناس بتروح عشان الموائد دي عشان ظروفها صعبة وفي أشد الاحتياج ، وبنك الطعام أو المؤسسة اللي عامله بيجيلها الإمدادات مش من جيب أو من بيت حد ده تمويل على مستوى الجمهورية ، فتعاملوا مع أكركم بآدمية وبلاش الخناق والاهانة والذل للي بتحط له وجبة ناقصة أهم شئ وهو البروتينات واللي بياخد الوجبة كاملة الحبايب والاصحاب والمعارف والباقي يرمولوا وجبة خاليه من أي مقومات للصحة والغذاء المناسب.