التحرر من القيود

القيد شئ صعب جداً .. و إنك تعيشة أصعب .
أوقات كتير إحنا إللى بنسمح بالقيود ف حياتنا و بنفتح المجال للناس انها تقيدنا
ممكن القيد يكون شخص عارف جداً نقاط القوة إللى ف حياتك و عارف ازاي يكسرها !!
القيد مش بعيد يكون حلم نفسك تحققة .. بس مش عارف لا تحققة ولا حتى تكملة !!
بس القيد الأصعب هو ....... أنت !!!

إنك توصفها بالفشل و الضعف لمجرد انك حاولت مرة و مقدرتش
ممكن توصف نفسك بالفشل لأنك واقف مكانك بدون حراك و لو لخطوة واحدة لقدام !!!
* إكسر قيدك 💪
• إكسر خوفك .... و إصحى من كابوس فشلك
* حااااول ... جرب ... صارح نفسك و قويها 💪
• شجع خطاويك و قودها دايما ل قدام
اوعى تسمح للفشل يسرق عزيمتك بالنجاح
و أفتكر أن كل العظماء حلموا .. مجرد حلم ، بس هما إنتصروا على قيودهم و عرفوا ازاى يحطموها .
• عرفوا ازاى يصرخوا بأعلى صوتهم للعالم كله و يثبتوا وجودهم ...
* و عرفوا ازاى ينتصرواعليها
* انت كمان تقدر ... لانك قوى
انت بس محتاج إنك تثق ف نفسك مش اكتر و حاول تحقق حلمك .
* أفرح كمان بنفسك و أهتم بيها
* شجعها على كل حلو تقدمة ، و على كل تجربة تخوضها مهما كانت صعوبتها .. ثق أنك قادر على كل صعب .
* أنت تقدر تكون مميز في عيون نفسك و انت اللى تقدر تنتصر على الآمك و تنهدات قلبك .
* عاهد قلبك على الفرح و ثق انك هتفرح .
* إفتح ايدك و قلبك بالخير و قدم الحب لكل الناس بدون تفرقة .
* إفتح عينك على كل جميل ربنا خلقة ليك
ليك انت و بس لانك و بكل بساطة
" مميز في قلب و روح الله "