وخزات اشتياق

من شويه سمعت صوته وهو بينادي عليا ،ركزت كويس مؤكد هوا م انا مش بسمع حاجه غير بصوته حتي لو مش موجود '
مشيت واتجاهلت كنت عارفه أنها وخزات اشتياق ووهتروح
تاني خطوه ليا حسيت بنبره صوت خفيفه
صوت مبحوح مش طالع غير بخنقه وكأن حد كاتم روحك وبيديك النفس بالقطاره ..
وقتها حسيت اني لازم اقف ،انا كمان بكون اوقات روحي مذبوحه وبرده بحتاج لنفس يطمني ،،،
كلنا كده على فكره لم حد بنحبه بيبعد بيحصلنا مراحل اكتئاب متعدده..
وقفت ورجعت لنفس النقطه اللي اتحركت منها ملقتش حاجه سوري أصل انا مش بشوف بعيوني..
فضلت ايدي تلمس كل حاجه قريبه يمكن أقدر اساعد الشخص ده
فجاه لقيت حاجه صغيره بتنبض مسكتها ولسه هقربها من قلبي أحس ده ايه ؟
لقيته قلبي متحملش غيابه لكم ساعه فوقع وقع يمكن تكون الأرض أحن عليه مني ....
طبيعي هصرخ ده قلبي اغلي ما ربنا رزقني
مفيش صوت بيطلع مني
كملت ومشيت من غيره عادي مش هموت لو عشت من غير قلب ؟؟
لكن ممكن أموت لو غاب أكتر من كده !!!