هي حاجه كدة بتكون جواك وبتطلع مع النفس فجأه وغصبن عنك وهي بقا وظروفها 

فى تنهيدة تحمل ذكريات فاتت ومش ممكن تعدي كدة بدون تحسرعليها سوء بالندم او بالتمني بعودتها زي 

التنهيدة اللي بتطلع وقت النتيجه وانت ناجح وتقول اخيرااا ربنا اكرامني وهخش الكليه اللي كنت بتمناه او تنهيدة الفرحه انك لاقيت الحاجه اللي كنت بتدور عليها وفجأه تلاقيها امامك

تنهيدة الخروج من اي مشكله صعبه بشكل مرضي ليك وغير متوقع 

وفي تنهيدة. خروج شخص غير مرغوب فيه من حياتك ما اروعها من تنهيدة انتصار على مر العلاقات

وتنهيدة الحب والشوق اللي بتكون من اعماق القلب وبتتعب صاحبها اوي لانه لاقادر يتكلم عنها ولاقادر يمنع اويسيطر عليها 

عرفين اصعب تنهيدة ايه. تنهيدة الخسارة اللي متتعوضش فجأه تلاقي عمرك عدا وانت معملتش حاجه صح او فجأه تصاب بمرض يمنعك من طعم تزوقك لذة السجود لله وتصلي وانت جالس لكبر سنك اومرضك وانت اول مرة تصلي وواقف بين يدي الله التنهيدة دي تنهيدة حسرة وندم ودي بقا اصعب شيء لان كل شيء،يعوض الا عودة يوم من عمرك تاني. متندمش،علي حاجه وانت لسه امامك وقت اجتهد في سعادة نفسك برضا ربك عنك 

ربنا يجعل لنا من تنهيدة الفرح اكبر نصيب ويبعد عنا كل تنهيدة توجع القلب و تدمع العين 

دمتم في صحه وسعادة وستر