زمن الألم والآه...

زمن الألم والآه...

كانوا بيحكوا الألم ...

واللي في حياته اتظلم 

واللي مالوش نصيب  

في الحب حظه عدم

كتبوا وقالوا أشعار

تتغني ليل ونهار 

والقسمه موش بيدي

يامغنواتي قول 

وابكي مع الارغول 

الناس ألمها كلام

وانا اللي المي يطول 

لاأهل ولاأصحاب 

دقوا عليا الباب 

لافي عيد ولامناسبة

أشوف بعيني الناس 

لابسين دهب والماس

مش راضي بالقسمه

ارجع لنفسي أوام 

واحمد العلام 

على هدمه ستراني 

صحيح معي غيارين

مبهدلين الاتنين 

إن ستروا لون بشرتي مايمنعوا البردين

ولافيه لحاف من البرد 

ولاغطا في الشرد

مديون وحالي كرب

ولاحد بيجيني 

تمن الدوا بقه نار

والطب فيا احتار

وجسمي اهوه بينهار 

ولاحد ينجيني 

أسمع جيران يحكوا

على الطعام ياكلوا

أصناف ماتتعدوا

وانا زيكوا انسان

لكن انا حامده

ياما كلنا من دا زمان

ايام ماكنا وكان

وايام وهايعدوا

صحيح وجعنا أليم

والكرب زاد والدين

والشكوى ليه وحده 

كل اللي يبكوا زمان

ويشكوا ليك يازمان 

وقالوا كان ياما كان

مايساوي شئ بعده

إحنا اللي عشنا القهر دول بالسنين موش شهر

من القريب ويلي

آه من القريب ويلي