طاب اسكت اوعى تتكلم
فاضلك إيه يامعلم
دا هيا أيام بالكتير سنوات
في عمر الدنيا وتسلم
وتسكت والرب بيك أعلم
تقلب ليه في أورقها وصفحاتها
ومين بيقول ويبدي حاجات
وبيعلق في (...كومنتات )
وتتعب انت وتتلوع زمانك فات
شبابهم والشباب قوة وحلويات
آمال والأمل قادر
يجيب سعادات
تعالى انت ياطيب
بلاش انت كمان بالذات
كفاية عليك زمان عشته
ملان حكايات
سوا بمرارته وحلاوته
ماعدا وفات
مايشفع لك ان عندك قلب
ولايقرب لك إنه لسه يحب
وفيه لوعات
زمانك كله بالحسابات
وفيه المصلحة تكسب
وسلم لي على الدولارات
عرفت خلاص يامعلم
طاب اسكت اوعى تتكلم
جلال الخطيبماهو ابن حلال ويستاهل
فاكر هايعدي بالساهل
ترند خلاص
نسي اللي ملك قبله
وصيته في السما وطبله
وراح ببلاش
يادنيا والزمان أستاذ
بيفتح كل يوم في كتاب
وفي الآخر هايجي حساب
يعدلها
ومهما الظلم طال والويل
وضهري من حموله عليل
مسيرها تروق
ياليل آه ياأبو المواويل
وشاهد ويل بيجي بويل
مسيره يفوت
مادام ليها رب
عليم
حكيم في القدر ورحيم
مسيرها ترررروووق
2
-2
