الواد حكاية وحدوته.....
خليه يلمع أو يتلمع
خليه يهبد أوي ويسمع
ماهو أصله جاي على مقاسه
في ايام الهلس المتشمع
خليه معوووج أوي متنك
رافع مناخيره ومتسنك
ولاعاجبه لاكاتب ولاشاعر
وكأنه اسم الله المتحنك
آه ياولاد الهرمه يابلو تيكا
مين قالك تفهم مزيكا
ولاتعرف نهاوند وسيكا
وبياتي وصبا أو حتى حجاز
طاب جيتوا ازاي
راح اقولك طبعا وهاأدلك
إيه اللي عمل لك سعر واقول لك
وافيدك كمان
شايف انته الذوق الباير
وثقافة سخافة ومعدومه
وادب متداري
ورا هدومه
وشباب حيران
لاهو عارف يومه من بكره
ولا إيه هايحب وإيه يكره
وطريقه إزاي
وفين الفكرة
دا عمله جنان
كل دا خلاه يهرب بيكوا
على حمو وبيكا وبلو تيكوا
وشاكوش كزبرة
بيقول سيطرة
رجعنا لورا
ومرزبة كماااااان
2
-2
