طريق النجاح

هجيبلك أقصر طريق للنجاح عشان توفر على نفسك قراية كتب كتير وتسمع محاضرات كتير وفيديوهات وبنسبة كبيرة بتتحمس وبعدين تحس نفسك نزلت تاني وروح عزيمة قلت ، لكل اللى بيدور على أسهل واقصر طريقة للنجاح 

هو انت بتدور على طريق للنجاح بس محتاج راحة وطريق سهل ومزين بالورود وناس هتساعدك طيبين وهيدلوك على الخير وناس هتقف في ضهرك سند وحماية أحب اصدمك واقولك فوووق 

** طريق النجاح ليس طريقا مفرش بالورود والرياحين ....دة طريق مخيف كله اشواك ومطبات وصعوبات ومشاكل نفسية ومادية ومعنوية وعائلية وأحيانا مشاكل صحية *** 

طيب كدة احنا هننجح ازاي في وسط الظروف دي .....

انا جاية اساعدك بأبسط الطرق وأضمنها على الإطلاق 

عشان تنجح لازم تكون عارف ان طريق النجاح مش سهل أبدا واللي هيقولك غير كدة هيكون بيخدعك أو بيضيع وقتك وبيديك طاقة حماسية غالبا هتزول بزوال المشاهدة أو القراءة ....عشان متهش مني وتتشتت

هقولك النجاح مش سهل اطلاقا ...بس لو عاوز تنجح فيه شوية عوامل هتساعدك على تنظيم الرحلة الصعبة (رحلة النجاح ) ، وتقدر تخليها ممتعة وتستمع برحتلك لإن المتعة مش مش الوصول المتعة الحقيقة في الرحلة نفسها 

** النجاح باختصار توفيق من ربنا 👈 حي على الفلاح 🗣 الله اكبر 

طريق الصلاة والاستعانة بربنا هو بداية الطريق .... *التوفيق *لو مبتصليش متشتكيش ان امورك كلها واقفة ومصالحك متعطلة والحياة تقيلة عليك ....الحياة صعبة ومرهقة ومهما اتوفر لنا عوامل تساعدنا على نجاح من غير ربنا احنا هعتبر زيروووو 

** تنظيم الوقت .......تقدر تقرأ كتاب ** أصنع وقتا أكثر من المتاح ** ....وتشوف محاضرات عن تنظيم الوفت لان فيه ناس عندها ٢٤ ساعة بيقضوها في حاجات تافهة 

وطبعا في تقسيمة جميلة للوقت كنت قرأتها من فترة جميلة جدا بتكتب مهام يومك كل يوم وبتقسمها مهم وعاجل / عاجل وغير هام / غير عاجل وهام / غير هام وغير عاجل .....تقدر ترجع للتقسيمة دي على نت ويوتيوب مشروحة كتير 

** ترتيب الأولويات......متعيش حياتك سبهللة تاكل وتشرب وتنام وتفكر وتتذكر دول ظلموني وخلوني وبكوني......وشيطان بقي دى لعبته حزن المؤمن دة خرج سيدنا آدم من الجنة في لحظة أغواء وجينا الأرض عشان ضلال قادر يسلبك طاقتك وينسيك نعم بربنا ويدخلك من صغرة حزينة تخليك تهمل نعم ربنا ويخلي الحزن محور حياتك بالعكس هيصورلك النعم نقم وإنها حمل تقيل عليك وطبعا دة ليه اذكار للحزن والعجز والكسل فرتب أولوياتك إن النهاردة أولوية يومي إقرأ كتاب كذا .....فخلي اغلب وقتي مرتب على كدة مش على مكالمة تليفون وتصفح سيوشيل ميديا وخروج وفسح وتنطيط سمعت جملة جميلة جدا لحد ناجح كان بيقول وقتك لو مش هتمشيه على كيفك ، هيمشيك هو على كيفه ...تنظيم وقت مرتبط بترتيب الأولويات. ....اعرف انت عاوز ايه بالضبط عشان متوهش وسط مشتتات الحياه 

**اهم نقطة وعامل هام ......بعد مرحلة التهيئة للنجاح (توفيق ربنا ومحافظة على صلاة / تنظيم وقت / ترتيب الأولويات ) لإن النجاح دة رحلة باكدج على بعضه مش هعرف ادوس على عامل واحد بس والا هنهار.....نرجع لأهم معادلة للنجاح " صبر ، جهد مبذول، سعي متواصل ، اصرار وتحدي وعزيمة ، تركيز ، ضبط النفس ، تعلم مستمر ، تخطيط وخطط صغيرة والالتزام بها تؤدي لخطط كبيرة وانجازات عظيمة ، رضا ، شكر ، حمد، استعانة " أصغر معادلة للنجاح 

**توازن .....عشان تكون ناجح لازم تكون متزن وأهم شخص اتكلم عن الاتزان هو دكتور إبراهيم الفقى ليه فيديوهات كتيرة عن الاتزان ولازم الإنسان يكون متزن في سبع عناصر هذكرلك من اهمها التوازن البدني والعقلي والنفسي وديني واجتماعي

عمرك ما هتقدر تحقق نجاح وجسمك ضعيف ونومك متدمر وصحيا طريقة اكلك كلها غلط دة التوازن البدني والمؤمن القوي خير وأحب عند الله من المؤمن الضعيف اشتغل على جسمك انزل جيم وكل اكل صحي وراعي نفسك 

التوازن العقلي إقرأ كتير وثقف نفسك في مجالات واقرا عن كل حاجة حاجة 

النفسي ....لازم يكون ليك حد داعم ويساعدك وبترجع لرأيه لو مفيش يبقي حفز نفسك بنفسك بالكلام والافعال وكون رحيم على نفسك محدش بدأ من يوم وليلة 

ديني ....اتحدثت عنها في أهم نقطة اساسية وهو الصلاة بعد الصلاة هتلاقي حاجات كتير حلوة استغفار وادعية وقيام ليل وصلاة حاجة وعبادات عظيمة تقدر تسمع قصص للصحابة وصعوبة رحلتهم وتشوف ابتلائهم ازاي ممنعمش من نشر رسلتهَم هتعرف اننا عايشين منعمين مرفهين 

اجتماعي.......اخلق لنفسك حياة اجتماعية نزهات قصيرة مع الأسرة زيارة للأهل زيارة مؤسسات خيرية عمل بينك وبين ربنا صدقات السر والعلانية ...

واخيرا مستعجلش النجاح وكان الإنسان عجولا أسس طريق مفيش بناء اتبنى مرة واحدة في يوم وليلة غير لون وقع وانهار مع شوية مطر او اعصار فحاول تبني نفسك وشخصيتك وتأدبها وتكونها قبل النجاح عشان تقدر تواجه إعصار الحياه 

ومتنساش التجاهل فن مش عن عن ....تجاهلك المستفزبن وأصحاب العقول الصغيرة الكارهين الحاسدين الحاقدين وتعوذ بالله من شرهم واجعل شعارك وإذا خاطبهم الجاهلون قالو سلاما .... مش هضيع وقتي معاك الرحلة قصيرة جدا وابررلك فكرتي واني كويس وانك ظالمني لا مش هضيع وقتي غير فيما يخصني ويفيدني  

وتذكر ايا يكن مجال نجاحك فأحنا في امتحان ونازلين نأدي رسالة وهنتحاسب كلنا * * أيحسب الأنسان أن يترك سدى ** بمعني انك هتتحاسب على كل حاجة انت مأمور بيها 

ربنا يجعلنا من الناس الهيئة السهلة اللى حرمها سيدنا النبي من النار 

وأخيرا زينوا وقتكم وعملكم ومالكم وصحتك بالبركة والصدقة البركة هتكثر وتزيد الحاجة وقتك مع ربنا بركة صدقتك الخفية بركة مع شكر ربنا ولإن شكرتم لأزيدنكم *البركة والشكر* مفتاح الزيادة والرزق 

اتمني اكون افادتكم