متدوريش على حلم باهت

يلمع فى عنيكى الحلوين

ومتسمعيش لكلام صامت

وتنقليه لناس تانيين

جايز نظراته مش اعجاب

ولا فيكى شىء جذاب

ولو كنتى اكيد حلوة

اعملى ليوم الحساب

هتقولى دا شىء نادر

هنقول اكيد كداب

الحنينة من طبعك

بس لازم قوتك

مش اى حد يعدى 

هيسابق خطوتك

كونى واثقة متفائلة

 حذره ومش ساهلة

قلبك دا مش لعبة

علشان يتسلى بيها

اللى بيحب هيخاف

ربنا ويحافظ عليها

وهيا سكة واحدة

ولو ليها الف طريق

فينك يالى حبيتى

وضيعتى سنين عمرك

جاية بتبكي وبتشكي

وبتحكيلى من صغرك

تجربة صعبة عليكى

وكانت هضرك

تسلمى قلبك بأديكى

لمجهول العقل والدين

ومطمنالك قوى 

دا بجد شىء حزين

انتى ملكة فى قصر

والديــــــــكي

وفوق فى الجنة

ربى اختارك حور عين

واخت وفية وام ابية

ودور قوى ومتين

مش اى حد يوقعك

لا بنظرة ولا همسة

ولا كلمتين فاضيين

مقامك عالى فى السما

وفى الأرض علييين

أعمالك عليكى تشهد

ويتكبلك الملكين

فى صفحة طاهرة بيضة

دى زينة الخلق وحفيدة

عائشة وخديخة والصالحين

يالى ربنا اختارك

فى الجنة حور عين

كونى ثقة لأهلك

ومن بعدك أجيال فالحين

مقامك عالى فى السما

وفى الارض علييين