الحياه مش مضمونة، بتاخد منا الناس اللى بنحبهم وممكن تسرق منا فرحتنا وممكن تفرح بحاجات متكملش للآخر وساعات بتاخد الصدمة من أقرب حد وبقيت تضحك على نفسك كل ما تقول على حد طيب. ....

بصراحة مبقاش فيه حد طيب زى زمان

ليه ناس اتغيرت ومبقاش فيه حد بيتمني الخير لحد ؟

   كل أما تكبر فترة بتكتشف أن الحياة دي مزيفة 

اه مزيفة عشان الحلم اللى قعدت تحلم بيه كتير طلع وهم ضيعت وقت فيه

لأنك ببساطة ضيعت فيها وقت بدور على حاجات كنت مفكر انك هتلاقي سعادتك فيها واكتشفت لما لاقيتها أن السعادة في الرضا والصبر والقناعة وأنك تكون مكتفي بذاتك واثق من كل خطواتك

ساعات بدور على علاقاتك الشخصية بتلاقي أن 80 في مية منها أشخاص ملهوش لزمة والباقي فيه ممكن يكونوا جانبك وقت شدتك 

الحياة بقت غامضة ومش ساهلة ولا مضمونة 

الحياة مش بس بتاخد منا ناس بنحبهم

دي ممكن تاخدنا احنا واحنا لسة واقفين في مكانا

الحياة مش هنعيشها صح إلا لما نقرب من ربنا صح