أكتر حاجة بتغيظني الناس الفضولية بزيادة،

طنط حشرية في مسلسل علا عبد ، عاوزة اتجوز،، قعدتهم كلها سين وجين، فلان قال، وفلان عمل

الموقف & لما كنت عند حد طول القعدة اسئلة شخصية في أدق تفاصيل حياتي،

أو اخبار بحاجات عرفينها للتأكيد أو النفي، اللي هوا خدي الميك معاكي اهو، واحكيلنا أكتر عن نفسك. 

ليه الحاجة دي بتضايقني؟! 

*لإنه سلوك مرفوض تماما، لإني شخص أميل إلى السطحية ووضع الحدود والمسافات الآمنه، بس دة مش معناه اني مبحكيش او اهزر واضحك واحكي. 

*كمان مش من حقك تعرف عني حاجة مش عاوزة اتكلم فيها أو اعرفهالك

* احيانا للأسف بعض الأسئلة تنم عن حسد وحقد مدفون

، انا بحب الحدود الشخصية والمسافات الآمنة. 

اللي مترتب علي كدة؟! 

*انك لو تجاوبت مع اسلوبهم هتكون شخص مستباح ومخترق لكل حدودك، وهيزيدوا وهيتعمقوا 

*وطبعا لازم تكون ذكي ولماح، وتمتلك فن الرد، ودبلوماسي ومتديش عقاد نافع

، هعرفك بس اللي عاوز اعرفهولك، مهما كنت مهتم وبحكي معاك،

فكرت ازاي ممكن أغير فكرة الناس دي؟!

، لكن الفضول قاتل، والطبع بيغلب التطبع، 

ومش بيتغير،

 احنا اللي لازم نتحصن ونعرف نتعامل معاهم

روشتة صغيرة للناس الحشرية اللي في حياتكم:

*متردش علي كل الاسئلة، اعمل عبيط، ومبتسمعش

*رد السؤال بسؤال، uturn 

*رد. رد عام ودبلوماسي، إن شاء الله والف الف مبروك

*اهرب، اجري يامجدي،

ومن اشكال الهروب الذكي

@اغير الموضوع

@اشتت انتباهه، مثلا الجود برد، بردانه، حرانه، عطشانه جعانة، زهقانه، عندي ملل، اتكلم عن السياسبة، الكورة، اي حاجة انسيه سواله، لو هقوله بص العصفورة اللي هناك علي الشجرة دي، طارت 

@النوع الأخير ثعباني شوية مهما تلففه معاك، هيرجع يسألك نفس السؤال باسلوب تاني، لازم تكسفه بأسلوبك، وتضع الحدود، تكون فورمال اكتر، تبين ملامح الضيق والضجر علي وشك،

 ياما تردله السؤال وتعكسه عليه هيخاف هو يرد ويغير الموضوع وهيطب ساكت

او تقوله وش كدة، مش بحب اتكلم عن خصوصياتي، دة بقي لما تجيب أخرك خالص.