نعيش شوية مع الشعر

ركبت سفينة الايام ومش خايف لا يوم تغرق

وكل تكالي ع الرحمن وهوصل أيوة انا مصدق

مقضتش الحياة احلام ده يا ما جبيني كان يعرق

ومهما الموج اخدني لفوق ف حبل كريم انا مشعلق 

وبالاسباب شراعي حجاب لحد الصبح ما يشقشق

مكلَّتش يوم لو الريح تقوم ايديها بإيديا.. تغرب..تشرق

و ياما عشت مد و جزر . ف كل حالاتي بسترزق

و ده دراعي صاحبي ووياك يا صاحبي اكيد كت هتفرق

لابحكي في محكي لسان حالي يحكي كلام مش مذوق

بدَور في مينا ترَسِّي السفينة .. تايه واخينا قاعد يبحلق

وكل زادي عيش او زبادي و يوم رح أزأز ف بندق وفسدق

وهيلا يا ريس وخليك كويس ده بحر غدار مش ده فندق

انزل حمولتك تخفف حمولتي ضميرنا لو حي بالحب ينطق

وع الشط بلطية وعارف تبقى مين هي حبيبة القلب وما يعشق

مراتي حياتي وام بناتي في بعادي عنهم النار بتحرق

هموم قلبي تغسل مفيش يوم تكسل تحبأ تدبأ

تفرق تمرأ و يوم لما تُرزق توسع تشبرأ

ودعوة من امي تنسيلي همي تجددلي دمي تخليني أجرأ

هنفض ف عفرة بدش و بشفرة هروق وهحلق

بوشي البشوش و من غير رتوش هاخدهم في حضني واجمع ما افرق