نعيش مع الشعر شوية

 ليه بحايلك مش سامعني

و الا اعاتبك و تلاوعني

انت قلبي و الا ضدي

تبقى ملكه و انت كنت يا قلبي ملكي !!

ده حبيبك .. اللي كان في يوم حبيبك

ليه بتتشبث بحبه لو يسيبك

اصلي عارفة ان حبه مش بايدك

بس حاول خلي ايدي تكون في ايدك

انت ناسي ... انت ناسي عمايله فيك

لما حبك .. واما حبيته يجافيك

كان يقرب .. كان بيبعد و يناديك

واما بتروحله يقولك .. صوت ندايا مكنش ليك..

ليه بتوعدني يا قلبي

 ليه تقولي خلاص نسيته

واما طيفه يعدي جنبي

 تسيبني ليه وتقول هويته

كنت داري او تخبي

 او تعمل نفسك نسيته

مش تسيبني و تجري مني

 و تروحله لحد بيته

 لا انت مش قلبي يا قلبي انت قلبه

بتقاسيني وتجافيني وتقوي من ناري حبه

لا مش راح اسمحلك تحبه

حتى مش هسمح تخبي عني حبه

هضغط عليك واعصرك من بين ضلوعي

واما هجمد هبقى صخر يحوش رجوعي

وده بحر غدرك بطرده دي مش دموعي

لو سبتني وخذلتني..

 هيجيني يوم وانفض قلوعي