مش فارقة تعيش فيها عذابك
والحزن يخبط على بابك
و الافراح لما بتتوزع
تاخد انت من الظلم منابك
تفرق ايه قلبك يتقسم
الفرق انه بإيد احبابك
غيرك شاف نفسه على حق
ويجي لحقك.. ويقول لأ
و يسَطَّر صفحات م القسوة
ويشيل أي حنان ف كتابك
عاش بالخبث حياته الشاطر
و بيتباهى بكسر الخاطر
كنت في نني العين بتشيله
من قلبك والروح تديله
و بتطمن وانت معاه
واما احتجته في يوم اهو سابك
ياما داريت ع الكل عيوبة
و غطيت على كدبه واسلوبه
لكن ع المكشوف.. اهو عابك
لاعاتبت في يوم والَّا شكّيت
بس كتير أنيت و بكيت
واتهنت وفرطت كتير
ف كرامتك طب شوف ايه نابك
فاكر اما اتمنيت يوم واحد
قلبه حنين ذوق مش جاحد
بير للسر جميل مش مر
ينهي بعطفه اي تشابك
دورت كتير يوم ع الحل
ما لقيتش استعداد م الكل
بس لقيته عز وجل
هو لوحده بكل اصحابك
2
-2
