نعيش شوية مع الشعر

بحب الحب والاحلى تكون محبوب

ولو مُر الحياة يحلي.. يبقى بجد ده المطلوب

تكون صعبة تكون سهلة تكون عدلة وبالمقلوب

زي ماهي هتعيشها ده تدبير رب بالمربوب

وكون راضي باقدارها ليه دايما الممنوع مرغوب ؟

وتتصدر كدة قصادها هتنجرف بالسيل وتدوب

أكم فَكَّر يعاندها اخد على راسه بالمركوب

مفيش حاصل وله حكمة عرفتها.. ولا لسة يا دوب 

ده حتى الصدمة واللكمة تزود أجر تمحي ذنوب

بلا استسلام ولا بأوهام يقين ان القدر مكتوب

لكن بدعاء تعب و عناء و تستغفر كتير و توب

رسالة الكون دي بتقولك ده احسن من خيال مكذوب

ده تدبير الكريم لينا ومتوزع بكيل محسوب