عامل قاسي و بيقاسي لكن خبى
و بيمَوت في احساسي وم الحبة عامل قبة
لا عايزة صباح ولا تماسي ولا قرب ولا محبة
مش انت العاقل الراسي و كفة البعيد طبة
خلاص وريني كل الشغل والهمة
و سيبك انت م الزيطة و م اللمة
ورتب كل أحوالك و خلي خطتك تامة
كلامك مش هيتصدق وده كلام برضه بالذمة؟
ده ميل القلب عمره ما كان عليه سلطان
ما يتحكم في أحواله ولا أقوى مارد م الجان
تيجي انت تعاند الفطرة واه منك يادي الانسان
بلاش تنسى انا فاكرة بتظلم قلبك التعبان
طريقك سالك اجري بسرعة فيه على طول
وأول واحدة هتبارك مادام اخترت كون مسؤول
لكن صحصح اوي وفتح وخليك واعي مش مسطول
فاكر نفسك بقيت قاتل تلاقي إنك بقيت مقتول
2
-2
