مشكلة فعلاً هاد العالم الأزرق .. والعالم الواقعي كذلك الأمر...

كم الزيف والإنخداع الموجود فيه ..

أنا صراحة بحبو للفيس ماعندي اي رغبة أنو يختفي او يبطل في فيس متل كل الناس. . أبداً .. أنا عم أحكي ع غير شي

عالنظرة الأولى الي ممكن نكونها عن شخص من مجرد شكلو .. عم بتفاجأ بكمية السطحيه عند الناس والقشور ..

بشوف حدا بقول هالشكل يحوطو الله .. بيطلع بالونه مليانه هوا وبس .. بشوف صبيه بقول اسم الرحمن ع قلبها .. بلاقيها ورقة هيك مجرد لوحة او صورة بلا تفاصيل .. بتفاجأ بالموضوعات الي بتنفتح للنقاش

أنتٌ ضد او مع سكنة البنت لحالها..؟

برأيك ليش فلانه لهلق ماتجوزت ..

برأيك فلانه يجوز ترتدي هيك .. ؟؟

bla bla bla.... إلخ

وصدقوني في كم هائل من الشباب عندهن نميمه بتفوق عشر نساء مجتمعات .. في براسن نسوان وبس.. يعني الله شال عقلن وحط أعضاء للمرأة فيه. بس ...

أنا بصفن وبقول وين أنا .. هي العلاقات وين عم تسحبني !!؟

هي العقول لوين عم تاخدني !؟!

وطالما أنا ماني موجودة ب هي الأجواء

.. فجأة طلع عليي لقب المتوحده مع ذاتها...

حسناً ليكن..طوبى للتوحد إذا كان رح يمنعنا عن مزالق الفكر السخيف ..

طوبى للإنغلاق إذا في سلام نفسي ...

والإيد الوحده لحالها بتصفق...

وضيعان شكلن للحلوين الفارغين .. رغم إنو الشكل هوي بوابة .. بس ياحسرة عنجد الشكل بوابة بس..

بعدين يابتسكرها وبتهرب .. يا بتطلع محظوظ وبتسكن،