الجثة القادمة

شيء محزن .. وكان متوقع جداً نخسر حدا من كوادرنا ...

من كم سنه ولأني حاسبت طالب ماجاب وظيفتو ضربني بحجرة ع ضهري ... وأستاذ قلي وقتا لاتحاسبيهن كسرولي سيارتي...

لحظه شوي نحنا بهالمدارس عم نتعامل مع وحوش ؟؟

مدير انقتل ع إيد طالب هاد مو حدث منقراه ومنقول الله يرحمو .. لا ولا خبر بمر هيك لا ..

وقت كنا صغار كنا نخاف من المدير وقت يمر بشارع.. كانوا أهالينا يقلولنا هاد ابوكن والأنسة أمكن .. وين راحوا هدول الأهالي .. هلق إذا صحنا صوت ها بطالب بقول والله لنشتكي عليكن .. وبتجي أمو بتاني نهار حطمتولي نفسيتو .. وهني أهلو نفسن القاعدين عالنت كل النهار...

.. ملاحظين حجم الكارثه ..!!!!!!؟؟

رجعولنا كرامتنا ... أو عالأقل وزعوا علينا ستر واقيه للجسم للراس حمونا من أي عملية ق.ت.ل...

مشان أحباءنا الطلاب يضلوا مبسوطين

كرمال الله ياوزارتنا بكفي نحنا صرنا فئة ممسوح فينا الأرض منكن ...من أهالي الطلاب... من الطلاب نفسهن .. عم نعطي برواتب مابتشبع جاجه ...

بس مو يكون جزاءنا ن.نق.ت.ل لا مو هيك حرام ....

معلش ترجعوا تصحصحوا وترجعولنا هيبتنا لأنو ماني مضطرة لا أنا ولا حدا من زملائي يكون التالي... يكون الجثه الجاييي

والرحمة لروح المدير