كل شئ مؤلم عدينا عليه واتسبب لنا في فشل او عاهة نفسية بنجتره في كل موقف بنعدي عليه في حياتنا وللأسف بيخلينا نتصرف بطريقة تتسبب لنا في أضرار أكتر و تزود خسايرنا أكتر .
وبيبقى صعب قوي نحس بتصرفاتنا مهما كانت درجة وعينا عالية لأن تجاربنا السابقة بتمنع عقلنا من انه ياخد باله .
اجمل حاجة في الدنيا اننا نتيقن انه مفيش فايدة من المحاولة عن طريق أشخاص غير نفسنا ... ده بيخلينا قدام خيارين يا نبعد عنهم يا نستمر ونعتمد على نفسنا بس في المحاولة حتى لو كانت النتيجة المرجوة هتبقى أأقل كفاية اننا نعتمد على نفسنا ونحاول.
كل متوقع آت ......... دي مقولة حقيقية . اللي بنتوقعه بيحصل لأن عقلنا بيبرمج تصرفاتنا كلنا علشان توصلنا له .مش بس اللي بنتوقعه بيحصل ده كمان اللي المحيطين بينا بيسربوهولنا و بيقولوه بيبرمجوا عقلنا علشان يوصله .
يعني مثلا ست عندها متوقعه وعندها هاجس بان جوزها هيسيبها ... ده يخليها تتصرف تصرفات تزهقه وتوصلهم لكده بالفعل ........ وعلى نفس المنوال ده كل حاجة بتحصل .
آخر حاجة بقى ..... احنا بنكرر تصرفات وقناعات أهالينا بطريقة غريبة ومن غير ما ناخد بالنا !
لو خدت اهتمام بتدي اهتمام .... لو كان اهتمامهم موجه بنوجه اهتمامنا زيهم .
بنبقى نسخة منهم مع بعض الرتوش اللي بتخبي حقيقة اننا زيهم عننا الا طبعا من رحم ربي من الشخصيات اللي بتاخد بالها من اللي بتعمله وبتحاول تتزن .
2
-2
