نهاية راقية للغاية

Me before you 

مشفتش الفيلم بس قريت الرواية ...... جميلة ، مؤلمة ونهايتها شديدة الواقعية 

البطل انسان استمتع بحياته - لما قبل الحادث اللي اعترض حياته وكسحه - بطريقة مش معتادة له بالمرة

أعتقد جديا ان تجربته للاستمتاع بحياته بالطول والعرض وممارسته لأنشطة غير مألوفة هو اللي خلاه يرفض الانصياع لواقع مرير هو فيه عاجز عن الاستمرارفي ممارسة حياته بنفس الطريقة 

كنت متخيلة ان الايمان - فقط - هو اللي بيخللي الانسان يرتضي العيشة والتعايش مع الأوضاع المرضية اللا انسانية 

بعد قراية الرواية دي ابتدى جزء مني يقتنع ان اللي بيخلي الانسان يقنع بفتات حياة - غير الايمان بالقضاء والقدر - هو انه مجربش التمتع بالحياة قبل كده .

البطل اختار نفسه الأولى اللي حب حياتها وحبها وما ارتضاش انصاف الحلول